ΠΕΡΙ ΤΩΝ ΑΓΙΩΝ ΚΑΙ ΦΡΙΚΤΩΝ ΤΟΥ ΧΡΙΣΤΟΥ ΜΥΣΤΗΡΙΩΝ

Μυστηρία γαρ δια τούτο λέγεται, επεί ου το ορώμενόν έστιν απλώς, αλλά πνευματικόν τι και απόρρητον καθ' ο γαρ είπεν ο Κύριος, "ότι το πνεύμα έστι το ζωοποιούν η σαρξ ουκ ωφελεί ουδέν", εάν μεν προς το φαινόμενον μόνον βλέπης ουδέν ωφελήθης εάν δε προς το πνεύμα, δηλαδή πνευματικώς αυτόν τον προκείμενον οράς άρτον, ζωοποιηθήση μετασχών ούτος γαρ έστιν "η μη απολλυμένη βρώσις, η μένουσα εις αιώνιον ζωήν" ο άρτος ο αληθινός ο εκ του ουρανού καταβαίνων, ο ζων και ζωήν διδούς τω κόσμω ον ο μη τρώγων ου ζήσεται, ο δε τρώγων ζήσεται εις τον αιώνα, ουκ αναστάς μόνον, αλλά και κολάσεως απαλλαγείς και βασιλείας τυχόν αιωνιζούσης.